| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 60.3 | Dem. 60.7 (English) | >>Dem. 60.10 |
60.5δοκεῖ δέ μοι καὶ τὸ τοὺς καρπούς , οἷς ζῶσιν ἅνθρωποι , παρʼ ἡμῖν πρώτοις φανῆναι , χωρὶς τοῦ μέγιστον εὐεργέτημʼ εἰς πάντας γενέσθαι , ὁμολογούμενον σημεῖον ὑπάρχειν τοῦ μητέρα τὴν χώραν εἶναι τῶν ἡμετέρων προγόνων . πάντα γὰρ τὰ τίκτονθʼ ἅμα καὶ τροφὴν τοῖς γιγνομένοις ἀπʼ αὐτῆς τῆς φύσεως φέρει · ὅπερ ἥδʼ ἡ χώρα πεποίηκεν .
τὰ μὲν οὖν εἰς γένος ἀνήκοντα τοιαῦτα διʼ αἰῶνος ὑπάρχει τοῖς τῶνδε τῶν ἀνδρῶν προγόνοις . τὰ δʼ εἰς ἀνδρείαν καὶ τὴν ἄλλην ἀρετὴν πάντα μὲν κατοκνῶ λέγειν , φυλαττόμενος μὴ μῆκος ἄκαιρον ἐπιγένηται τῷ λόγῳ · ἃ δὲ καὶ τοῖς εἰδόσιν χρήσιμʼ ἀναμνησθῆναι καὶ τοῖς ἀπείροις κάλλιστʼ ἀκοῦσαι , καὶ ζῆλον ἔχει πολὺν καὶ μῆκος λόγου ἄλυπον , ταῦτʼ ἐπὶ κεφαλαίων εἰπεῖν πειράσομαι .
60.7οἱ γὰρ τῆς κατὰ τὸν παρόντα χρόνον γενεᾶς πρόγονοι , καὶ πατέρες καὶ τούτων ἐπάνω τὰς προσηγορίας ἔχοντες , αἷς ὑπὸ τῶν ἐν γένει γνωρίζονται , ἠδίκησαν μὲν οὐδένα πώποτʼ οὔθʼ Ἕλληνʼ οὔτε βάρβαρον , ἀλλʼ ὑπῆρχεν αὐτοῖς πρὸς ἅπασι τοῖς ἄλλοις καλοῖς κἀγαθοῖς καὶ δικαιοτάτοις εἶναι , ἀμυνόμενοι δὲ πολλὰ καὶ καλὰ διεπράξαντο .
60.8καὶ γὰρ τὸν Ἀμαζόνων στρατὸν ἐλθόντʼ ἐκράτησαν οὕτως ὥστʼ ἔξω Φάσιδος ἐκβαλεῖν , καὶ τὸν Εὐμόλπου καὶ τῶν πολλῶν ἄλλων στόλον οὐ μόνον ἐκ τῆς οἰκείας , ἀλλὰ καὶ ἐκ τῆς τῶν ἄλλων Ἑλλήνων χώρας ἐξήλασαν , οὓς οἱ πρὸ ἡμῶν οἰκοῦντες πρὸς ἑσπέραν πάντες οὔθʼ ὑπέμειναν οὔτʼ ἐδυνήθησαν κωλῦσαι . καὶ μὴν καὶ τῶν Ἡρακλέους παίδων , ὃς τοὺς ἄλλους ἔσῳζεν , σωτῆρες ὠνομάσθησαν , ἡνίκʼ ἦλθον εἰς τήνδε τὴν γῆν ἱκέται , φεύγοντες Εὐρυσθέα . καὶ πρὸς πᾶσι τούτοις καὶ πολλοῖς ἄλλοις καὶ καλοῖς ἔργοις τὰ τῶν κατοιχομένων νόμιμʼ οὐ περιεῖδον ὑβριζόμενα , ὅτε τοὺς ἕπτʼ ἐπὶ Θήβας θάπτειν ἐκώλυεν Κρέων .
60.6
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 60.3 | Dem. 60.7 (English) | >>Dem. 60.10 |
